Hup Holland Hup

Nda dapa rasa somo klar ni Piala Dunia 2014...

Dan tim kesayangan Belanda so sampe semifinal !! 

Di fase grup, Oranje karabas samua tu lawan..paling istimewa da bantai pa Spanyol 5-1 yooiiii 5-1 !!!

di 16 besar kase kalah 2-1 pa Meksiko lewat drama injury time. Robben dapa sontong di kotak, lgsg dapa penalti..akhirnya lolos padahal so tatinggal lebe dulu.

Paling spanen pas 8besar lawan Kostarika. Biar so menyerang ukur tobat, tetap nda tamaso gol. 0-0 sampe abis waktu normal. Itu artinya doi-doi embang for yang ba voor stenga ato satu hahahaha.

Mar biar kalah doi yang penting tim favorit tetap tumbus semifinal.

Tinggal dua partai leh, mimpi jadi Juara Piala Dunia mo terwujud!!

Semoga Oranje berjaya..

Hup Holland Hup

Pic courtesy Getty Images

Undangan Penamatan

pas sementara tgu noel kaluar skolah..ada ibu guru a.k.a maam sedang berbage undangan pa orangtua..mar kebanyakan yg ba jemput bukang orang tua, paling banya mbak, bibi ato oma.

nah menurut carita yg qt ja dengar, banya anak yang malah lebe dekat pa dorang pe babysitter daripada orang tua.

Thank God kalo sampe skrg, Noel diurus langsung mama papa.

memang nda jadi gode sama deng anak2 laeng yg dapa asuhan babysitter. MAR yang penting Noel full kasih sayang dari orangtua hahaha

btw..undangan penamatan dapa kuota dua.

pasti tu anak2 laeng lebe suka depe babysitter yg dampingi pa dorang pas penamatan..

trus depe mama papa dunk?? 😜

Root Beer Float

Minuman penuh kenangan!

dapa inga memori di jogja 😊

flashback sadiki

dulu waktu kacili, mama papa da titip pa qta tinggal pa oma opa karna papa da mo se klar S2 di jogja.

jaman itu, kuliah pasca sarjana daparasa wow skali..dan memang faktanya, sebe itu salah satu dosen dgn gelar master pertama di fakultas sastra jurusan sejarah.

awal2 kuliah, dorang masi bawa pa qta krn wkt itu masi blum skolah. riki qta iko TK kecil disana.

nah pas so SD, qta bale manado tinggal deng oma opa.

singkat carita..

suatu waktu pas libur kenaikan kelas, oma opa bawa pa qta balibur ka jakarta. Mama so tgu, trus trg langsung lanjut ka jogja.

waktu sampe sana, so malam.

papa langsung pangge pa qta pi bapontar ka salah satu pusat perbelanjaan (dulu blum top sebutan mall)

memori masi jelas padahal so lama..

qta masi inga skali waktu itu qta dg papa nae becak.

yg lucu..sepanjang perjalanan papa pangge bacirita mo ba akrab, nah qt pamalo hahaha tamba leh solama nda bakudapa..padahal menurut carita selama qt tinggal deng oma opa, qta salalu pegang2 papa pe kemeja kalo rindu pa dia ☺️

yg pasti malam itu papa pangge makan di california fried chicken. dan salah satu kenangan yg sampe skarang masi dapa inga..qta pertama kali minum rootbeer float !

makanya sampe skrg tiap kali minum ni rootbeer float salalu dapa inga jogja 😆

*so lama nda ja batulis blog..jang tarukira neh hahaha

da baketik ini pas di AW Mantos pas malam puncak HUT..uuuuh padat!

WiFi

cieee baposting

somo rutin situeeee

*monologabsurd hahaha

rajin noh..kan skrg ada wifi

beruntung ni tampa tinggal skrg ada depe fasilitas wifi

jadi sadiki hemat beli pulsa

suka posting panjang2 mar so manganto

*alasan

putar coldplay dulu spy mimpi bagus..sapatau mimpi ka inggris ☺️

zzzz🎶

2014

so Juni leh baru baposting hahaha

biar jo daripada nda sama skali..

nintau kiapa jadi malas urus ni blog (padahal dari dulu mmg nda taurus😂)

padahal so banya momen yg lewat brapa taon ini..suka duka, tatawa manangis, banya doi pope, gode nda talalu gode..

en more en more

so komitmen kalo ni blog yg blogspot punya memang khusus for bahasa manado.

yg indonesia ada di wordpress

yg foto2 ada di tumblr.

fasilitas so memadai skali

mar faktor x yg beking nda berkembang hahaha

nintau apa tu x itu??

x-men?

xxx?