So long...long time !

so stenga ni oktober...tu kabar gembira blm sampe2 ??!
sabar...sabar baxxx!!

calon walikota manado 2035 !

pe Lama Leh...

nintau sampe kapan ni padang pasir???
so pe banya oase qta da lia mar blum klar2 !
oooh...semoga sebaxxx kuat !!

Kupu-kupu Malam

Laju jo
Qta masi mo mancari
Cari jo
Qta masi mo mancari
Buang jo
Qta masi mo mancari
Bayar jo
Qta masi mo mancari
Pigi jo
Qta masi mo mancari
Inga jo
Qta masi lama mo mancari !!

Kupu-kupu Siang

Isi jo
Qta perlu doi
Isap jo
Qta perlu doi
Ramas jo
Qta perlu doi
Gigi jo
Qta perlu doi
Tindis jo
Qta perlu doi
Tamba jo
Qta perlu doi
Transfer jo
Qta perlu doi
Brikut jo
Qta tetap perlu doi

Kupu-kupu Pagi

Buka jo
Qta lagi mau
Lucur jo
Qta lagi mau
Jilat jo
Qta lagi mau
Langsung jo
Qta lagi mau
Capat jo
Qta lagi mau
Goyang jo
Qta lagi mau
Cupang jo
Qta lagi mau
Plo jo
Qta lagi mau
Goso jo
Qta lagi mau
Blakang jo
Qta lagi mau
Dalam jo
Qta lagi mau
Ulang jo
Qta lagi mau skali

free wi-fi

Biasanya wi-fi frei cuma ada di mall,cafe ato tampa mkn yg gaul.
Cuma ni kali qta ba posting dari tampa bacuci motor di auto bridal.
Mantap!! Smtr tgu motor drg cuci,qta bole ba browse,update status dg baposting.
Dunia skarang mmg so lebe banya menawarkan kenyamanan.

diary ?

Nintau kiapa??skrg jd jarang update blog..
Memang katu ni aktivitas jd salah satu faktor sampe ni blog jd nda taurus!
Amper tiap hari musti bola bale manado-tondano,fisik takuras..lgsg ja tasono kalo malam,nda riki ba ketik!
Padahal ni cakrawala berpikir so tingkat tinggi,rasa2 somo tabuang tu rancangan2 cerita,puisi..mar bagimana eeeh..nda ja dapa waktu pas for mo tuangkan ni samua imajinasi!
Mar ada depe positif laeng klo lama tatono,tu ide so lebe terseleksi!
For ni blog,qta pe mau somo berbage..khusus for karya2 somo beking akang blog sandiri supaya nda tacampur dg ni curhat2..hahahaha!
Sebenarnya kan ini qta pe blog,jadi mana2 pa qta noh mo posting..curhat,cerpen,puisi ato pun cuma foto..ini kan tampa for ekspresikan qta pe kenarsisan..hahahaha!
Mar,qta musti inga deng calon2 pembaca yg mungkin rasa ganjil kalo lia qta pe isi hati yg lengkali talalu vulgar!
So itu sadiki leh somo beking blog baru khusus for karya2..
Ok..semoga ni rencana somo terealisasi,spy ni blog somo jd diary nya sebaxxx !

27

waktu memang bajalang nda perna brenti..lebe hari lebe dapa rasa capat!
skrg qta so 27 taong,umur ideal for berkarya!
mmg menurut qta ni hidup so sempurna karna Tuhan slalu brikan yg terbaik..
qta so kaweng,istri cantik,so dapa karunia anak laki2 yg bole jadi penerus qta pe marga!
manusia hidop mo cari apa?
mayoritas org2 mo bilang kesuksesan..
sukses itu identik deng harta melimpah alias banya doi !
selama 27 taong hidup, Puji Tuhan qta slalu merasa berkelimpahan...
apa yg qta mau, umumnya bole terealisasi..
apalagi wkt masi berkarir di dunia perbankan...mmh,apa tu nimbole mo bli??
hahaha..
mar, setelah qta pelajari...ternyata manusia nda pernah puas!
contoh, dulu suka nokia N73, setelah so dapa bli..pastiu, suka mo bli blackberry.
depe inti, manusia nda pernah mo puas biar so berlimpah tu kekayaan.
malah tre kalo talalu banya doi, beking nda nyaman! tako2 mo ilang ato org pancuri..
qta bersyukur so pernah rasa bagimana tu pegang banya doi..dg qta le bangga bole lewati masa-masa cobaan yg mungkin dapa lia nda maso akal !
qta suka skali mo berbagi ni kisah ttg episode kelam...mar tgu jo 1x kalo samua so rampung !!
sebenarnya tiap hari qta suka ba posting, mar situasi nda mendukung !!
at least.. ni blog masi tetap eksis !!

jd biar so terlambat, blog mo ucapkan :
HAPPY BIRTHDAY for Yudy Everhard Andrie Lumenta yg ke 27
Semoga menjadi abadi di dunia sastra !! amin

terlupakan !

Sori blog..amper satu bulan lebe nda ba posting!
Karna sibuk tiap hari bola bale manado tondano,ni blog nda ta update..
Salah satu penyebab malas baposting karna Belanda kalah di final..
Saki hati eeh..padahal so dekat skali tu piala dunia!
Mmh,nanti jo next cup..pasti Belanda mo kipas!!
Ok..nanti sambung ulang jo..yg penting so ba posting! ^_^

Hmm..so lama nda ba posting,gara2 skrg tiap hari musti bolabale tondano-manado
Mmg lalah mar biar jo daripada nda lia anak istri..
Ni bulan mmg rame,manado le iko barame dg kibaran2 bendera.
So sama dg markas PBB..samua krn piala dunia!
Mmg ni pesta ampa taong 1x bkg suasana jd laeng..samua org rela nda tidor cm gara2 mo lia drg pe tim bermain.
Selain bauni,banya yg ja spekol bataruh..
Tadi baru klar pertandingan trakhir babak 16besar.
Belanda,Jerman,Argentina,Brasil,Spanyol,Uruguay,Paraguay,Ghana so tampil meyakinkan.
Drg 8 mo baku toki mo cari tiket ka semifinal!
Ada 2 bigmatch yg beking spanen,Belanda vs Brasil dg Jerman Argentina.
Dapa lia sapa yg mo lolos,itu tu calon juara!
Tragis for tim2 favorit laeng yg musti keok..Inggris yg banya org prediksi moi juara krn pelatih jago musti pulang da kalah pa Jerman.
Lebe soe tre Itali dg Prancis,so kandas di babak grup tanpa kemenangan.
Mar ini noh tu pialadunia pe dayatarik,depe kejutan lengkali bkg org manangis!
Jadi tinggal mo tgu sapa yg mo pegang tu tropi!
Ni bulan juni sm abis,bny kejadian yg mengejutkan.
Dua kali ciri di aspal jd kenangan yg susa mo se lupa!
Napa ni rusuk masi saki...

ha detto cuore di un uomo non è stato bello

Era una bella donna, se lei mi piace !!

artinya : ^_^

Kata hati seorang bisae :
"cewe itu gaga kalu dia suka pa qta!!"

Football Party

Akhirnya bulan juni!voor kaum gilabola,so lama da tgu2 ni momen..yup,pesta ampa taong 1x,Piala Dunia!ni kali mo beking di benua afrika,tepatnya di afsel..kalo mo lia di atlas,dapa rasa jaoh,so dekat kutub!mar biar jao,tetap banya yg suka mo kasana..khususnya for 32 negara yg mo bertarung.
FIFA cm batasi tiap negara se daftar 23pemain. Mungkin bagi pelatih Korut dg Aljazair nda talalu susa mo pilih skuad terbaik. Yg pusing tu pelatih timnas negara2 kuat. Capello dg Maradona pasti bingo mo tentukan mana yg mo pi afsel. Amper samua pemain da kerahkan drg pe kemampuan terbaik di musim 09/10 spy bole tapilih jd pemain timnas. Malah ada yg mungkin talalu smangat sampe tre dapa cedera. Beckham,Ballack dg Essien contoh pemain bintang yg musti rela jd penonton karna drg pe kaki so cedera. Mar tanpa drg,Piala Dunia tetap mo spanen. Samua nda sabar mo lia messi pe jago,cristiano ronaldo pe makang puji ato mo tunggu lippi pe racikan. Yang pasti skrg so banya yg bakumpul doi for mo bataruh akang. Memang ada kenikmatan lain pas bauni bola kalo da bataruh. Mar biar nda bataruh,Piala Dunia tetap beking penasaran..berbagai gol cantik,pelanggaran brutal,tawa kemenangan dg air mata kekalahan mo warnai ni drama sepakbola.
Selamat menikmati Piala Dunia!!
Dan blog tetap pegang Belanda..
VanPersie,Robben,Sneijder dkk mo bembeng ni trophy!

Kecemasan Seorang Ayah

Menjadi seorang papa adalah sebuah kebanggaan yg nda samua org bole rasa..
Puji Tuhan,di umur yg masi tergolong muda qta so bole jd papa..
Yg lebe istimewa,anak pertama yg Tuhan kase itu laki-laki!jd ni fam lumenta so tatambah generasi..
Menjaga anak dari dia bayi sampe skrg so tau bajalang,pengalaman yg istimewa!
Dari noel musti ja plo trus,taru di boks,se nae babywalker,nae speda sampe ja tuntun blajar bajalang.
Karna so tau bajalang sandiri,noel so jd nakal skali..nimbole ilang mata,kage dia so di muka place..
Dia suka skali main ember..ba ojo di tanah main aer..pokoknya so dapa lia depe begal!!
Cuma ni hari,noel KO..dia pe badan panas,trus kablakang trus..
Cek para cek,dia kote da tatamba gigi..jd dia skrg saki.
Sebagai papa,tantu qta khawatir..bae le ada obat!
Mar qta yakin Tuhan mo jaga pa noel!!
Semoga noel cepat bae spy bole bermain ulang..

May Day

Waktu mmg nda ja dapa rasa.di kalender so maso di bulan kelima yaitu bulan mei.padahal di brapa rmh,tu minuman natal masi tasisa..kiapa kong blum abis2 dunk?itu depe tanda tu rumah wkt natal nda buka pintu a.k.a sadiki koncudu. Btw,lupakan ttg x'mas karna skarang somo tenga taong.
Itu depe arti sm bulan juni,bln keramat for pecinta bola..turnamen terakbar deng paling prestisius yg cm ja beking tiap 4 taong..samua so nda sabar mo lia tu seniman2 bola mo beraksi,ada messi,CR9,kaka,rooney sampe si hitam manis drogba mo berjuang demi nama negara..trus trg pe negara dunk?indonesia??cuma penonton!tragis mmg,kalo mo inga tu penduduk sekitar 200jt lebe mar nda mampu mo bkg kesebelasan tangguh yg bole lolos piala dunia. Mar bagimana mo jago?sdgkn liga lokal salalu rusuh!yg pasti piala dunia mo hadirkan berbagai kejutan yg bkg torang samua penasaran..mar sebelum itu,ada final champion,final europa league deng liga2 eropa yg somo klar..inter vs munchen mmg mengejutkan,prediksi ni blog jd nda akurat krn tim mourinho se kandas pa juara bertahan.ada hal menarik yg jd perhatian yaitu peran duo holland,robben deng sneijder bagi tim masing2 yg sangat signifikan.drg dua jd roh tim..depe ironis,drg ini buangan dari real madrid yg ni musim da baroyal se dtg pemain2 mahal.padahal ni kali final champion mo bkg di santiago barnebaue ,kandang real.jd robben dg sneijder mo reuni di bernebaue skaligus mo show pa publik madrid bahwa uang bukanlah penentu sebuah prestasi!
Sepakbola memang olahraga yg paling populer..kota manado le so nda sabar mo bauni final champion trus sambung piala dunia..btw,hari ini tgl 1 mei alias may day,hari buruh!! Kaum yg sampe saat ini masi sering ditindas..upah yg tak sesuai,perlakuan semena-mena maupun jaminan keselamatan yg parah masi jd persoalan2 klasik for buruh2 sedunia..semoga ke depan kaum buruh bisa meraih kesejahtraan..finally,selamat datang bulan baru!!

Tetap Eksis

Puji Tuhan..ni blog masi tetap eksis..
Padahal banya masalah yg lengkali bkg qta nimbole ba posting.
Mar bae leh bole baposting dari hp..
Kalo depe masa awal,ni blog lahir dari warnet..
Trus bole dari hp,trus dapa berkat bole bli netbook..
Jadi skarang baposting bole dari rumah..
Biar sementara jaga pa noel,tetap bole update..
Memang katu,fasilitas mempengaruhi kreatifitas!!
Thanks neh so maso ni blog..GBus!

Musim Sepakbola yang Spanen

Biasanya yang spanen2 itu ada di film action, mar ni kali terjadi di lapangan hijau.
Setelah brapa taong terakhir terkesan monoton karna sebelum liga klar, masi jao so dapa tau tu juara, ni kali komang tu penggemar bola banya yang penasaran karna sampe minggu ketiga april tu liga2 top eropa so maso depe saat paling spanen. Tiga liga paling top, Inggris, Itali deng Spanyol sama2 seru. Depe pimpinan klasemen cuma beda 1 poin,Chelsea vs MU, Roma vs Inter dg rival klasik Barca vs Madrid. Dengan sisa partai yg tinggal sadiki bekeng samua tim musti hati-hati deng nimbole tapalisi. Pokoknya kalah jo 1x pasti langsung tageser.
Di Inggris dominasi MU slama tiga taong terakhir akhirnya sadiki ta oncang karna Chelsea ada pelatih baru, Ancelotti. Memang sebenarnya Ancelotti pe tugas utama for kase rasa juara Champions karna dia so pengalaman 2x angka tu piala waktu dg Milan. Mar Chelsea musti kalah di Perdelapan final pa Inter. Ancelotti masi aman karna depe alasan Chelsea butuh waktu. Mar di domestic, Ancelotti sukses sampe final FA deng peringkat 1 liga sampe akhir April ini. Kalo memang konsisten, bukang mustahil Chelsea bole dapa double!! Dorang pe saingan MU memang masi jago, Sir Alex mo kase bukti kalo MU itu nda tagantong pa CR7. Jadi biar so nda ada tu pemain making puji itu, MU masi tetap jago. Ni kali Rooney se tunujung depe skill. Sayang dia da taganggu cedera pas MU malawang Munchen yg akhirnya bekeng MU keok. Mar setidaknya MU masi jadi kandidat kuat juara liga karna selisih poin cuma 1. Hasil trakhir for liga inggris kemungkinan besar akan seru sampe partai trakhir. Perkiraan blog, Chelsea yg mo juara!!
Amper sama deng di Inggris, Liga Itali le skarang lagi spanen skali. Dominasi Inter yg muncul karna kasus Calciopoli so maso di tahap beking pastiu. Nintau kiapa ni Inter nda ada ada wibawa yg bole mo bekeng orang kagum. Jadi orang2 masi pandang enteng deng Inter pe Scudetto. Dorang masi anggap Inter ja juara karna Juve deng Milan lagi tahap pembenahan akibat dapa hukuman calciopoli. Mar memang Inter nda meyakinkan, buktinya Cuma Berjaya di domestic, ancor di Champions. Bae le ni musim Inter so ba kuat sampe maso semifinal. Yg bekeng Inter sadiki orang kagum karna depe pelatih Mourinho talalu sombong!! Yang pasti prakiraan blog ni musim Inter mo hampa…yang mo juara liga itu AS Roma. Dorang main bola dengan hati, secara tim dan bermodalkan semangat. Dan wajar kalo Roma mo scudetto karna dorang da berjuang kras.
For liga Spanyol, Cuma Barca deng Madrid yg baku ganti juara selama brapa taong trakhir. Mar ni taong dapa lia masi for Barcelona. Musim lalu Barca Sempurna!! Samua gelar dorang boyong, Messi pun jadi pemain terbaik dunia. Memang mempertahankan lebe susah disbanding merebut. Buktinya ni kali Barca so keok di Copa Del Rey. Cuma di liga dorang berhasil se kalah pa Madrid di el classic yg menurut blog jadi penentu gelar juara. Madrid pun ni musim tetap mo gigi jare. Biar le so se abis doi banya for CR9. Kaka, Benzema, Alonso, Albiol dkk, tetap Madrid blum mampu juara. Hal fatal menurut blog adalah faktor pelatih. Pellegrini nda mampu kordinir ni kumpulan bintang yg notabene egois. Klub setenar Madrid semestinya dilatih Wenger ato Capello. Cuma pelatih berkharisma yg mampu bekeng Madrid juara. Jadi for ni musim, masi for Barcelona.
Bauni bola memang seru. Selain tiga negara tadi, di Jerman, Belanda deng Prancis le sadap ja ikuti depe perkembangan. Munchen vs Schalke, Twente vs Ajax, Bordeaux vs Lyon. Tu selisih poin pimpinan klasemen tipis2, jadi mo seru sampe akhir.
Piala UEFA yg so ganti nama liga Europa so maso 4 besar. Kemungkinan yg mo juara adalah Liverpool, karna dorang tinggal bakuat di ajang ini, dorang so ancor di liga.
Liga Champions le so maso 4besar. Menurut blog, final ideal adalah Barca vs Munchen. Memang Barca kuat, mar ni kali Munchen yg mo juara. Robben jadi kunci for Munchen. Selain itu tradisi nda memihak Barca karna sejak bernama liga champions, blum ada juara bertahan bole mo pertahankan depe gelar. Jadi ni kali Van Gaal yg mo tangisi.

Jadi bauni bola di musim 2009/2010 bekeng spanen. Mungkin ini gara2 somo Piala Dunia 2010 Afsel. Mmmh, Cuma jadi sedih kalo mo inga bola dalam negeri. Bagimana kwa mo maju kalo depe pimpinan PSSI so nimau diganti. So nyata2 gagal masi ba kras leh. Emplas malo kong lengser kase kesempatan org laeng. Mudah2an E.E Mangindaan jadi Ketua PSSI supaya bole ada perubahan.
Memang Sepakbola itu bagaikan candu…dalam 1 minggu nda lia bola rasa gila…

Cerita Cinta Cindy Charles

“Sebenarnya qta masi sayang pa ngana, mar qta nda tahang kalu bagini trus…”
Cindy pe kata kaluar sama-sama deng tu aer mata. Dia so nda mampu tahang depe perasaan.
“Cin..?!”
Cuma itu yang bole kaluar dari Charles pe bibir. Dia masi bingo, kage plus tako pas da dengar Cindy pe kata-kata. Sementara Charles cuma da tanganga sama deng biongo, napa Cindy so nda mampu tahang depe rasa pastiu.
“Samua jo for ngana pe tamang ! Sejak torang dua jadi, kalu bole mo rekeng, tu waktu deng tamang lebe banya daripada deng qta !!”
Cindy so mulai se kaluar tu samua yang ada pa depe hati.
“Sapa kwa yang nda mo saki hati ? Masa tiap malam minggu torang pe waktu sama-sama cuma bole sampe jam 9 malam? Ngana pe alasan salalu pulang capat supaya qta pe ajus deng sebe sanang. Padahal sebenarnya ngana suka capat pulang karna dorang so ja tunggu pa ngana. Tamang-tamang pamabo so menanti mo bakuspai deng botol sampe pagi! Qta so ja tarukira, mar qta masi ja tahang-tahang.”
So ja takaluar Cindy pe isi hati, Charles masi tetap tanganga.
“Waktu valentine qta mangiri ja lia tamang laeng yang pi berduaan deng depe paitua, pi bioskop, pi makan malam romantis. Mar torang dua ?? Ngana cuma sibuk urus acara musik di kampus. Ngana lebe bingo cari gitar, drum deng spiker daripada mo bermesraan deng qta. Noh ngana bakuplo jo deng tu barang-barang itu!!
Cindy pe curhat so mulai panas.
“Tu hari le waktu ngana trima beasiswa, qta so harap paling-paling ngana mo bli akang sesuatu supaya tu beasiswa ada depe tandamata. Mungkin ngana mo bli akang dompet ato tas karna qta punya so keas. Mar samua cuma angan-angan, ngana pe beasiswa cuma abis for se sanang ngana pe tamang-tamang anjing, se makan, bli minuman, pi karouke kong baku tamba doi pi main futsal… for qta ?? ngana cuma isi akang pulsa.
Dapa lia Cindy so emosi, Charles nintau mo bagimana.
“Qta le binci pa ngana, nda ja badengar qta pe saran. Dari pertama qta so bilang iko jo kegiatan rohani di kampus, mar ngana cuma pilih ba teater deng maso organisasi musik bakumpul deng pamabo-pamabo. Bagini kalo sama-sama deng qta, mungkin ngana so sarjana. Sampe skarang ngana blum klar-klar kuliah karna bingo urus tu kaderisasi ! .
Charles cuma bole badengar, dia nda ada kesempatan mo klarifikasi, Cindy pe mulu nda brenti-brenti.
“Qta heran kiapa ngana lebe sayang pa tamang-tamang? Ngana inga waktu qta minta tolong jemput di LPM pas klar coaching KKN? Ngana nimbole jemput karna ngana da se pinjam motor pa tamang. Padahal waktu itu pe panas manucu, qta da pake hak tinggi kong lupa bawa payung. Bukang maen dang ngana Charles, waktu itu ngana pe santai da bilang badola jo! .
Rupanya Cindy so kumpul samua tu Charles pe blunder-blunder.
“Ngana le inga tu kaos Jimmi Hendrix yang qta da kase pas ngana pe harijadi? Mana itu skarang? So pa John toh?? Paling kwa ngana da se pinjam waktu dia tidor pa ngana pe rumah pas da bakumpul minum-minum kong bakar kapala ba !.
Charles tetap blum bole kase tanggapan.
“Ngana memang nda pernah serius deng qta! Kalu ngana butul-butul mo suka jalani hidup deng qta, paling ngana so berusaha cepat sarjana kong cari kerja supaya so da modal for mo maso minta ! Mar ngana cuma bingo urus persiapan Bismaba 2010. Inga Charles, ngana itu angkatan 2001 !! Masi suka show so pa ade-ade baru? Pokoknya qta so nda tahang sama-sama deng ngana !
Cindy pe aer mata so kering, mar itu hati masi ganu.
“Kemarin qta so rubah tu status di Facebook… Makase jo, ngana so temani qta pe hari-hari selama di kampus sampe qta so sarjana. Memang qta sayang pa ngana, mar rupanya ngana bukang qta pe tulang rusuk !”
Setelah dengar Cindy pe kata-kata terakhir, mau tak mau Charles musti bereaksi. For Charles ada 2 opsi yang tangiang pa depe pikiran…
- Opsi 1 (Gengsi, Ba Kras)
Cin, ngana pe pikiran so gila, nda maso akal !! masa ngana mo cemburu pa qta pe tamang-tamang? Mo qta lama-lama deng dorang, qta lama mo sarjana, itu qta pe urusan, it’s my life !! Deng qta mo bilang pa ngana … qta lebe dulu baku kanal deng dorang daripada ngana !!
Hasil akhir = PUTUS
Jelas-jelas Cindy mo lebe yakin kalu putus adalah jalan terbaik, Charles lebe pilih pa depe tamang-tamang. Opsi ini bole mo ambe kalu Charles pe tampang sama deng Nicolas Saputra, kalu pun mo putus gampang mo dapa cewe baru. Mar masalahnya Charles bukang Nicolas, dia cuma laki-laki biasa yang mujur bole jadi deng cewe gaga kong bae-bae sama deng Cindy. Dorang da jadi karna Charles so ja manuver sejak Ospek. Kong rajin kerja kelompok, bekeng tugas sama-sama. Charles leh rajin ja tawarkan diri antar pulang pa Cindy pe rumah yang sebenarnya pe jaoh, di Tumaluntung. Entah karena iba da lia Charles so sama deng ojek , akhirnya Cindy io pa Charles. Jadi for Charles ni opsi sangat beresiko. Kemungkinan mo jadi jomblo besar skali. Mar secara laki-laki, ni opsi dapa rasa jantan skali deng menunjukkan tu tingginya rasa persahabatan deng tamang-tamang anjing!
- Opsi 2 (Mangaku salah, Minta Maaf)
Memang selama ini qta biongo skali ! Qta nda mampu jaga torang pe cinta. Qta nda mampu beking ngana bahagia. Jujur, qta yang salah, lebe banya waktu qta se abis deng tamang-tamang. Dorang le katu ja tegor pa qta, kyapa salalu deng dorang trus. Qta akui, apa yang ngana da bilang samua, itu butul ! Qta salah…sori so bekeng ngana kecewa !
Qta minta maaf Cin, Qta yang salah !
Apa yang mo jadi pa qta kalo so nda sama-sama deng ngana?
Sapa le yang mo babonceng pa qta?
Qta nda bisa jaoh-jaoh dari pa ngana…
Qta pe cinta cuma for ngana !
Qta rela se tinggal samua tamang, organisasi deng tu laeng-laeng demi ngana !!
Cuma ngana yang beking ni hidup jadi berarti.
Ngana itu anugrah dari surga… Qta cinta pa ngana !
Qta somo se klar tu kuliah, kong somo cari kerja supaya torang so bole mo kaweng.
Qta suka ngana yang jadi mama for qta pe anak-anak.
Sama deng Gunawan da bilang, biar saribu bintang di langit cuma satu yang qta pilih…
Biar saribu cinta di hati cuma ngana yang qta sayang !!

Cin, jang se putus pa qta … please…?!
Hahahaha, opsi yang cengeng ! Mar setidaknya bole beking luluh Cindy pe hati. Kan parampuang paling suka ja ba gombal akang. Masalah mo ba jaoh pa tamang-tamang, itu tinggal mo stel, dorang pasti mangarti ! Pokoknya nimbole putus … Akhirnya Charles pilih opsi kadua !!
“Cin, jang se putus pa qta ! please…”
Charles pe suara pe dapa sayang da dengar. Napa Cindy pe hati so tasontong. Dia kwa memang masi sayang pa Charles, dia cuma butuh perhatian lebih. Charles pe raut muka so dapalia ba mohon skali. Dia nimau Cindy se putus. Dia suka mo raih masa depan yang indah bersama Cindy .
“Cin, se lupa jo tu qta pe dulu-dulu… se maaf neh pa qta…pokoknya qta mo berubah !”
Charles tetap berjuang.
“Qta suka torang baku sayang trus !! Nda usah putus neh..”
Cindy pe muka so mulai sadiki cerah, mar dia terlanjur gengsi mo bilang nda jadi putus. Bagi Charles, diam brarti io…dia langsung plo pa Cindy. Cinta Charles deng Cindy masi bole mo save, blum disconnect.
Charles tetap plo pa Cindy kong babise..
“Cin, trus terang qta so lapar, manjo ka KFC, pas tre so depe jam attack…”
Cindy leh ternyata so lapar, dia pun langsung jawab :
“ okelah kalo begitu…!! ”

noel so lebe lucu mar nakal skali!!

skarang noel so tau bajalang!!
sebagai orangtua, tantu qta bangga dia so bole kasana kamari sandiri..
dia ja bajalang lengkali masi ja takendu..so itu pe lucu skali!!
cuma depe siksa, dia jadi nakal skali suka mo pegang ini itu..
jadi siap2 jo kalo da kramik ato barang gampang pica..langsung singkirkan!!
mar yg bkg qta sanang. noel suka musik !!
dia suka skali ja dengar musik, suka pegang gitar...
mudah2n noel bole jadi musisi!!
yg pasti, skarang ini qta lagi nikmati peran sbg seorang ayah!!
thanks GOD so anugrahkan malaikat kecil yg lucu walaupun bandel...
papa sayan skali pa noel!!!

so kaluar SK !

uuuughh...akhirnya tu sk so ada!!
jadi so nda tako2 mo berkeliaran...
thanks GOD !!

Kacino so lebe begal !!

Nda ja dapa rasa ni waktu ja bajalang..
padahal da inga2, qta pe anak masi bayi..eh, skarang so basar..
so mulai lancar bajalan, biar masi blum mulus.
skarang so lebe begal, so tau marontak..
mar dia suka skali dengar lagu, org main gitar..pokoknya yg ada nada..
mungkin ni kacili yg mo se trus depe papa pe karir di dunia musik !
kalo papa nda riki melejit so maso di titik jenuh..
semoga Noel bole wakili depe papa pe cita2 di dunia seni..semoga!!

cuma ngana yang mangarti !!

Bersyukur pa Tuhan, qta bole dapa pasangan hidop yg perfect!!
secara,qta pe tampang pas2an bole dapa istri yg woouuww...
FRANSISCA OLIVIA MANABUNG so bekeng qta pe dunia jadi sempurna!
i love u so much....!!!

sumber sukacitaku!!

hidup di dunia ini cuma 1x...
qta so perna rasa bagimana tu indahnya dunia dg materi berlimpah!
qta le so rasa bagimana jadi manusia yg terhina, dikucilkan!!
hidup memang penuh misteri...
mar satu yg pasti, qta ada keluarga!!
ada istri dg anak...
olieve dg noel so beking qta pe hiup jd sempurna!!
bole jadi papa,itu qta pe pencapaian paling spektakuler...
i love my little family!!

happy new year!!!

haloooooo...

napa kasiang baru ta online, padahal so bulan februari...
baru dapa update blog skarang...

napa kwa banya masalah pribadi yg bkg ni diri nimbole ta online..
mar depe positif,
dgn banyaknya masalah,ni imajinasi lebe tatambung...
so tinggal tgu waktu mo curahkan di karya2!!

sabar jo, so nda lama tu masterpiece2 baru somo muncul !!

thanks so ja maso ni blog!!